නගරාධිපතිතුමන්ගේ  පණිවුඩය

නව පාලනයත් සමඟම මොරටුව මහා නගර සභාවේ වෙබ් අඩවිය මොරටුව ප්‍රදේශයේ ජීවත් වන සියළු පුරවැසියන්ට යහපත් ජීවිතයක් ලබා දීමේ අරමුණින් යාවත්කාලීනව පවත්වාගෙන යාමට හැකිවීම මහත් ආඩම්බරයකි.

රජයේ නව ඩිජිටල්කරණ ප්‍රතිපත්තියට අනුව යමින් ජනතාවට වඩාත් පහසුවෙන් මහා නගර සභාව සමඟ තම සම්බන්ධතාවය පවත්වාගෙන යාමට අපගේ මෙම වෙබ් අඩවිය මහඟු අත්වැලක් සලසන බව මා තරයේ විශ්වාස කරමි.

මෙ‍ම වෙබ් අඩවිය මගින් දැනට පුරවැසියන් වෙත ලබාදෙන වරිපනම් බදු ගෙවීමේ පහසුකම , අත්‍යාවශ්‍ය අයදුම්පත් භාගත කිරීමේ පහසුකම  ලබා දෙන අතර අනාගතයේදී පුරවැසියන්ට අන්තර්ජාලය ඔස්සේ මහා නගර සභාවෙන් ලබාගත හැකි සේවාවන් වඩාත් පහසු ,සුරක්ෂිත , විශ්වාසදායි ලෙස පවත්වා ගැනීම අපගේ අපේක්ෂාව වේ.

අපගේ සේවාවන් වඩාත් ඵලදායි කිරීම සදහා ඔබගේ ඉල්ලීම් සහ පැමිණිලි ලබා ගැනීමේ පහසුකමද මෙම වෙබ් අඩවිය සතුවේ.

මොරටු මහා නගර සභාව නවීන තාක්ෂණයෙන් සපිරි, පුරවැසියන්ට ඵලදායි සේවාවන් සපයන ආයතනයක් බවට නව පාලනය යටතේ ස්ථාපිත කරන බවට මොරටු පුරවැසියන්ට ප්‍රතිඥා දෙමි.

කේ.ඩී.නිශාන්ත ප්‍රදිනාන්දු
නගරාධිපති
මොරටුව මහා නගර සභාව